Stronks Translations N.V.
Translating the world for you,
one word at a time.

Vertaalbureau Stronks Translations N.V. a ser lanta na 1986 y ta estableci na Seroe Biento 17-A, Aruba. Nos tin mas cu 25 aña di experiencia di haci traduccion di calidad. Danki na nos medionan di comunicacion moderno nos no ta entrega solamente na Aruba, pero tambe na Corsow, islanan BES y otro paisnan den Caribe, como tambe na Sur y Norte America. Vertaalbureau Stronks ta un agencia di traduccion chikito cu empleado bon educa y experto.

Un bon traduccion ta ser haci hopi preciso y mester ta di un calidad halto. Pesey nos ta traha solamente cu traductor huramenta y nos ta tene nos mes na e proceduranan necesario pa sigura calidad, deadline y confidencialidad. Nos ta ofrece traduccion huramenta na y for di Ingles, Spaño, Hulandes y for di Frances, y ademas nos ta ofrece traduccion no-huramenta na y for di e idiomanan menciona y Papiamento.

Nos clientela ta hopi diverso y ta consisti di hotel, bufete di abogado, oficina di notario, banco, oficina di accountant, trustkantoor, departamento di gobierno, wedding planners, funeraria, y no lubida tur nos clientenan priva.

Nos ta facil pa haya y nos ta ofrece espacio amplio pa parkeer. Ademas nos oficina ta situa banda di un bushalte.

Yama nos libremente. Nos ta papia bo idioma y ta dispuesto pa yudabo!

Nos ta ofrece traduccion huramenta na y for di Ingles, Spaño, Hulandes y for di Frances, y naturalmente nos ta ofrece tambe traduccion no-huramenta den y for di e idiomanan menciona y Papiamento.

Un traduccion huramenta ta un traduccion cu a ser haci pa un traductor huramenta. Un traductor huramenta ta un traductor cu a ser huramenta pa corte pa un combinacion specifico di idioma (a base di su educacion y experiencia). Un traduccion huramenta ta ser pega na e documento original y firma pa e traductor y ta haya un seyo cu ta evidencia cu e ta un traduccion berdadero.

E colaboradornan di nos oficina ta specialisa den e siguiente documentonan:
      • textonan judicial;
      • contrato;
      • acta di notario;
      • documento financiero-economico;
      • relatonan anual;
      • taxatierapport;
      • documento di naturalisacion;
      • permiso, entre otro permiso di estadia (documentonan pa ‘DIMAS’);
      • diploma, rapport y lista di cifra;
      • correspondencia;
      • papel di voogdij;
      • documento di Censo di Aruba, como por ehempel acta di nacemento, acta di morto, acta di matrimonio y divorcio, y papelnan di 5 y 10 florin.

A peticion y den consulta nos ta ofrece tambe pa laga legalisa y apostiya traduccionnan huramenta na Departemento Juridico di Aruba.

Vertaalbureau Stronks ta mantene diferente tarifa pa traduccion. Tuma contacto cu nos y nos ta calcula e tarifa mas beneficioso pa bo.

• Banda di esaki nos ta aplica tarifa pa texto nobo, texto standard y texto cu cambio chikito.
  
  
• Pa trabao di emergencia nos no ta cobra extra.
  
  
• Pa traduccion di mas cu 10.000 palabra nos por duna descuento, dependiendo riba e fecha di entrega.
  
  

Pidi oferta Nos por traha un oferta informal pa bo, cu fecha di entrega. Pa nos haci esey bo persona por yena e datonan akibao y upload e documento cu mester wordo traduci. Bo ta ricibi e oferta den un dia di trabao.
Nomber:	Contact e-mail:
Telefon:
Bo traduccion:
For di:	Pa:
Deadline:
Select file: